Sürücülər qayda pozmağa məcbur olur - Səbəb? - VİDEO

Avtobus dayanacağında taksilər dayanır, yer tapmayan avtobuslar yolda dayanır. Gözləməyə səbri çatmayan sürücülər qarşı zolaqa çıxıb hərəkət etdikdə isə ünvanlarına cərimə gəlir. Paytaxtın bir neçə yeri var ki, orda məhz dayanacaqlar zəbt edildiyi üçün sürücülər qayda pozmağa məcbur olurlar. Yolun hətta ortasında saxlayıb sərnişin düşürürlər, nəticədə yolda hərəkət dayanır. Arxadan gələn avtomobillərin sürücüləri isə məcbur qalıb qaydaları pozur və qoşa xəttin üzərindən sürürlər. Nəticə isə təbi ki, cərimədir. Belə mənzərə Bakıda Xalqlar dostluğu və İnşaatçılar metrostansiyalarının qarşısında hər zaman yaranır. Bu hal sürücülərin narazılığına səbəb olur. Mütəmadi olaraq yolun ortasında sərnişin mindirən və düşürən avtobus sürücüləri isə taksi sürücülərini günahlandırır. Çəkiliş apardığımız Xalqlar dostluqu metro stansiyasının yanında avtobusların dayanması üçün ayrılan ərazini göstərən yol nişanın yaxınlıqında yalnız taksiləri gördük.

Məsələ ilə Bakı şəhər Dövlət Yol Polisinin sözçüsü Vaqif Əsədov bildirir ki, təkcə ötən həftə ərzində reydlər zamanı duracaqdan kənarda saxlayan 100-dən artıq avtobus sürücü cərimələnib, dayanacaqlarda saxlanılan 60 avtombil ekakuasiya edilib, 40 dan çox taksi sürücüdə yerində cərimələnib. Vaqif Əsədovun sözlərinə görə sözü gedən ərazilərdə nəzarətə götürülüb və həmin yerlərdədə belə sürücülərə qarşı mütəmadi reydlər və təbliğat xarakterli kampaniyalar keçirləcək.