Sürücüləri təhlükəyə atan şəxs saxlanıldı; maşın duracağa aparıldı - VİDEO

Görüntülər yayıldıqdan dərhal sonra Baş Dövlət Yol Polisi İdarəsi tərəfindən araşdırmalara başlanılıb.

Avtosfer.az xəbər verir ki, Yol Patrul Xidməti alayının əməkdaşları tərəfindən aparılan əməliyyat-axtarış tədbirləri nəticəsində sürücünün Cəlilabad rayonu Şıxlar kənd sakini Mənsimov Natiq Davud oğlu olduğu müəyyən edilib və o saxlanılıb.

Nəqliyyat vasitəsi saxlanılaraq duracağa yerləşdirilib. Faktla bağlı araşdırmalar davam etdirilir və nəticəsindən asılı olaraq sürücü barəsində qanunvericiliyə uyğun tədbirlərin görüləcəyi bildirilib.

*** 15:30

Bakı-Ələt-Astara yolunun Cəlilabad rayonu ərazisindən keçən hissəsində kobud qayda pozan sürücü görüntülənib.

Avtosfer.az-a daxil olan məlumata görə, hadisə aprelin 19-da saat 10:07 radələrində qeydə alınıb. Video izləyicilərdən biri tərəfindən saytın “Instagram” hesabına göndərilib.

Kadrlardan aydın olur ki, 15-BL-502 dövlət nömrə nişanlı “VAZ-2107” markalı avtomobilin sürücüsü əks istiqamətli yola çıxaraq bu vəziyyətdə hərəkətini davam etdirib. Nəticədə o, qarşıdan gələn nəqliyyat vasitəsi üçün qəza şəraiti yaradıb. Şikayətçinin sözlərinə görə, o, son anda sağa manevr edərək baş verə biləcək ağır yol-nəqliyyat hadisəsinin qarşısını alıb.

Nərmin