Sürücülərin SMS-lə məlumatlandırılmasına dair maraqlı TƏKLİF
Qaydalar 12 Yanvar 2021 13:12 Oxunub 1176
Sürücülərin SMS-lə məlumatlandırılmasına dair maraqlı TƏKLİF

Xəbər verdiyimiz kimi, bir müddət əvvəl texniki baxışın bitmə vaxtı ilə bağlı sürücüləri xəbərdar etmək üçün SMS məlumatlandırma sistemi aktivləşdirildi. Bəzi sürücülərə texniki baxışla bağlı SMS məlumatlandırma gəlmədiyi üçün anlaşılmazlıqlar yaranıb.

Sual yaranır ki, texniki baxışla bağlı SMS məlumatlandırma olmalıdır, ya yox?

Hüquqşünas Ərşad Hüseynov bununla bağlı Avtosfer.az-a açıqlamasında bildirib ki, sürücülərin SMS vasitəsilə məlumatlandırılmaması daha çox iki səbəblə bağlı ola bilər. Sürücülər qeydiyyat zamanı ya mobil telefon nömrələrini verməyiblər, ya da ki, nömrəni dəyişdirdikləri üçün SMS məlumatlandırma çatdırılmır.

Ərşad Hüseynov onu da qeyd edib ki, texniki baxışla bağlı sürücülərin SMS vasitəsilə məlumatlandırılması qanunvericilikdə nəzərdə tutulmayıb. Lakin bu məsələ qanunvericilikdə təsbit olunsa və bununla bağlı dövlət qurumlarının üzərinə öhdəlik qoyulsa çox gözəl olar. Hətta texniki baxışla yanaşı icbari sığortanın və sürücülük vəsiqəsinin tarixinin bitməsi ilə bağlı SMS məlumatlandırma məsələsinə baxılmalıdır: "Düzdür, icbari sığortanın bitməsinə bir neçə gün qalmış sığorta şirkətindən sürücülərə zəng olunaraq məlumat verilir. Lakin bu, onların öz təşəbbüsləri ilə həyata keçirilir. Təbii ki, bu təşəbbüsün arxasında da kommersiya maraqları durur”.

 

Təbriz

ŞƏRH YAZ
Ad

E-mail

Şərh