Sürücülərin yolunu kəsir, siqnal verəndə isə qəza şəraiti yaradır - VİDEO

Bakıda yol hərəkəti qaydalarını kobud şəkildə pozan sürücünün davranışları başqa bir avtomobil sürücüsü tərəfindən qeydə alınıb və bu görüntülər redaksiyamızın qaynar xəttinə göndərilib. Avtosfer.az xəbər verir ki, hadisə dekabrın 13-də, paytaxtın Binə qəsəbəsində baş verib.

Belə ki, 77-HD-860 dövlət qeydiyyat nişanlı "Hyundai" markalı avtomobilin sürücüsü yolun sol zolağı ilə hərəkət edərək arxadan gələn avtomobillərin qarşısını kəsib. Görüntüləri qeydə alan sürücü, səs siqnalı vasitəsilə ondan yol istəyərkən, "Hyundai"ın sürücüsü əvvəlcə sağ zolağa keçir, daha sonra isə qəfil sola manevr edərək qəza vəziyyəti yaradır.

Videodan aydın şəkildə görünür ki, sürücü sol zolaqda hərəkət etdiyi halda sağ zolaq tamamilə boş olub. Buna baxmayaraq, o, sağ zolağa keçməyib, nəticədə digər sürücülər məcburən onu sağ tərəfdən ötməli olublar.

Fərid