Sürücülük təlimçisi telefonla oynayır, tələbəsi isə qayda pozur - VİDEO

Nəqliyyat vasitəsini idarə etmək vərdişlərini öyrədən təlimçilərin sayı günü-gündən artmaqda davam edir. Çox təəssüf ki, həmin təlimçilərin əksəriyyəti qanunun tələblərindən xəbərsizdilər. Üstəlik idarə etmə vərdişlərini öyrənən tələbələri də qanun pozmağı aşılayırlar. Avtosfer.az xəbər verir ki, "Elza sürücülük kursu"nun təlimçisi tələbini öyrədən zaman qanunun tələblərini pozub. Belə ki, o, telefonla çəkiliş apararaq həm öz fikrini, həm də tələbənin fikrini yayındırıb. Qanunvericiliyə görə, sərnişin yerində əyləşən təlimçi də sürücü hesab olunur. Ona görə də telefonu əldə tutmaqla istifadə etmək qadağandır.

Eyni zamanda tələbə təhlükəsizlik kəmərindən düzgün istifadə etməyib. Videogörüntüyə diqqətlə baxanda görünür ki, sükan arxasındakı xanım təhlükəsizlik kəmərini sinə üzərindən deyil, qolun alt hissəsindən keçirib. Kəmərin bu cür istifadə edilməsi olduqca təhlükəlidir. Çünki qəza zamanı kəmər sıxılıaraq sürücünün qabırğalarını sındıra bilər. Çox təəssüf ki, təlimçilər belə hərəkətlərin yanlış olmasını tələbəyə vaxtında öyrətmirlər.

Leyla