Sürücülük təlimçisindən ağlasığmaz addım: Hərəkət zamanı kapotun üzərində oturdu - VİDEO

Bakıda sürücülük təlimi zamanı qeydə alınan məsuliyyətsiz davranış sosial şəbəkələrdə müzakirələrə səbəb olub. Avtosfer.az-ın məlumatına görə, 77-NJ-831 dövlət nömrə nişanlı “KIA” markalı avtomobildə sürücülüyü öyrədən təlimçi ağlasığmaz hərəkət edib. O, dərs zamanı avtomobilin kapotunun üzərinə çıxaraq orada əyləşib. Daha sonra sükan arxasındakı şəxs avtomobili hərəkətə gətirərək parklanmanı yerinə yetirib.

Digər bir kadrlarda isə həmin təlimçinin avtomobili yolun ikinci cərgəsində saxlayaraq hərəkət zolağını zəbt etdiyi görünür.

Qeyd edək ki, sürücülük təlimi zamanı təhlükəsizlik qaydalarına riayət olunması, təlimçilərin məsuliyyətli davranması və nümunə olması vacibdir. Təhlükəsizlik – peşəkar sürücülük təliminin əsas prinsipi olmalıdır.

Fərid