Sürücülüyü naşı təlimçidən öyrənəndə belə olur - VİDEO

2 gün əvvəl Avtosfer.az saytında yayılmış “Qaydalardan xəbərsiz qadın sürücü baş yoldakı avtomobilə çətin anlar yaşatdı” başlıqlı xəbər çoxlarının marağına səbəb olub. Sosial şəbəkədə də bu xəbər çox sayda paylaşılıb və müxtəlif şərhlər yazılıb. Etik çərçivədən kənara çıxmayan bütün şərhlərə hörmətlə yanaşaraq mən də məsələyə münasibət bildirmək istərdim. Təbii ki, mövqeyim digərlərindən fərqlənir. Səbəb özümün də bir müddət əvvəl belə bir situasiyaya düşməyimdir. 
Bir neçə ay əvvəl bir xanım həmkarımın avtomobili ilə gedərkən, onun da bu videodakı kimi davrandığını şahidi oldum. Doğrudur, qəzasız ötüşsək də, xanım həmkarıma mədəni şəkildə irad bildirdim. Onun cavabını isə olduğu kimi yazıram: “məni öyrədən müəllim deyib ki, burnunu bir qədər çıxar, yol verəcəklər”. Yəni, dəliyəm, güclüyəm prinsipi. 
Böyük pedaqoq Makarenko deyirdi: “müəllim üçün qaranlıq olan şagird üçün zülmətdir”. Qayda-qanunu özü bilmədiyi üçün əməl etməyən təlimçi başqasını necə öyrədə bilər? 
Burada ənənə faktoru da sözünü deyir. Şimali Qafqazda və Gürcüstanda bu cür “burun çıxarma” normadır. Hətta, Azərbaycandan daha aqressiv şəkildədir. Gürcüstanda və ya Dağıstanda magistral yolda qarşına qəflətən kənd yolundan maşın çıxa bilər. yüksək sürətdə qəzadan yayınmaq isə hər sürücünün işi deyil.

https://avtosfer.az/az/qaydalar/qaydalardan-xebersiz-qadin-surucu-bas-yoldaki-avtomobile-cetin-anlar-yasatdi-vi%CC%87deo-302168?fbclid=IwY2xjawNLI3xleHRuA2FlbQIxMQABHvAkEEcQzDG-NF4tKqraLfu8KeV6DcJYlRYiZDzcD-s8YbwbI4m1Y1sEFH2v_aem_R6C3oIx134G1FFbuSDIiHw

Vüqar