Svetofora əhəmiyyət verməyib qırmızıda keçən sürücü cərimələndi - VİDEO - YENİLƏNİB

Yayılan material əsasında Abşeron Rayon Dövlət Yol Polisi Şöbəsi tərəfindən araşdırma aparılıb. Araşdırmanın nəticəsinə əsasən, 77-RG-289 dövlət qeydiyyat nişanlı "Hyundai" markalı avtomobilin sürücüsü Hömmətova Aydan Səməd qızı barəsində İnzibati Xətalar Məcəlləsinin 327.2-ci maddəsinə uyğun olaraq 3 cərimə balı və 100 manat məbləğində inzibati cərimə tətbiq edilib.

***

Xırdalan şəhərində yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə iyunun 30-da, Məmməd Əmin Rəsulzadə küçəsində qeydə alınıb. Belə ki, 77-RG-289 qeydiyyat nişanlı "Hyundai" markalı avtomobilin sürücüsü yolayrıcına yaxınlaşan zaman svetoforun qadağanedici işığı yanıb. Buna baxmayaraq o, qırmızı işıqda hərəkətinə davam edərək sola dönüb.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilər.

Fərid