TƏBİB təcili tibbi yardım avtomobillərinə yol verən sürücülərə təşəkkür etdi - VİDEO

Uzun müddətdir TƏBİB tərəfindən keçirilən aksiyada təcili yibbi yardım avtomobilinə yol verən sürücülərin görüntüləri paylaşılır. Bu dəfə növbəti videoçarx hazırlanaraq bu nəqliyyat vasitələrinin idarəçilərinə təşəkkür edilib. 

Avtosfer.az xəbər verir ki, videoda, təcili yardım avtomobilinə yol verən sürücülər əks olunub və bu, geniş ictimaiyyətə nümunə göstərmək məqsədini güdür.
Qanunvericiliyə görə, operativ nəqliyyat vasitəsi sayrışan işıq və səs siqnallarından istifadə etdikdə, digər nəqliyyat vasitələrinin sürücüləri həmin avtomobillərə yol verməlidir. Bu, xüsusilə təcili tibbi yardım, yanğınsöndürən və digər xüsusi xidmətlərin fəaliyyətini asanlaşdıran bir qaydadır.

Qeyd edək ki, İnzibati Xətalar Məcəlləsinin 331-ci maddəsinə əsasən, xüsusi səs, qırmızı və ya göy sayrışan işıq siqnalı verən, keçid üstünlüyü hüququna malik olan nəqliyyat vasitələrinə yol verilməməsinə və ya belə nəqliyyat vasitəsinin müşayiət etdiyi mütəşəkkil nəqliyyat dəstəsinə qoşularaq hərəkət edilməsinə görə 100 manat məbləğində cərimə edilir.

Eltac Zülfüqaroğlu