Avtosfer.az | Reklam
Təbliğat-təşviqat işi dinc sakinlər tərəfindən də rəğbətlə qarşılanır - VİDEO
Qaydalar 4 Oktyabr 2020 23:43 Oxunub 652
Təbliğat-təşviqat işi dinc sakinlər tərəfindən də rəğbətlə qarşılanır - VİDEO

Döyüş əməliyyatları zamanı mənəvi-psixoloji təminat tədbirləri çərçivəsində təbliğat-təşviqat işinin rolu danılmazdır. Bu tədbirlərin keçirilməsində məqsəd Ordu-Xalq birliyinin daha da möhkəmləndirilməsi, Ordumuzun qüdrətinin və  döyüşlərdəki uğurlarının işıqlandırılması, eləcə də xalqımızın orduya dəstəyi və etimadını hərbi kollektivlərə çatdırmaqla şəxsi heyətin döyüş ruhunun və qələbə əzminin daha da  yüksəldilməsidir. Bu barədə Müdafiə Nazirliyinin Mətbuat Xidmətindən məlumat verilib.  

Əyani təbliğat-təşviqat tədbirləri çərçivəsində Ali Baş Komandanın müraciətləri, təbrikləri və ürək sözləri, həmçinin hərbi komandanlığın müraciətləri şəxsi heyətə və mülki sakinlərə çatdırılır, əldə edilən qələbələr barədə məlumatlar operativ şəkildə yayımlanır.  

Səyyar səsyayıcı stansiyaların tətbiqi ilə keçirilən tədbirlərin hərbi-vətənpərvərlik mahnı və marşları ilə müşayiət edilməsi  şəxsi heyət, eləcə də cəbhəboyu zonada yaşayan dinc sakinlər tərəfindən ruh yüksəkliyi və rəğbətlə qarşılanır.

ŞƏRH YAZ
Ad

E-mail

Şərh