Bakıda həkim "təcili yardım"a yol verən sürücüləri çəkib paylaşdı - NÜMUNƏ - VİDEO

Avropa ölkələrində görüb qibtə etdiyimiz, lakin özümüzün əməl etmədiyimiz təcili yardıma yol vermək mədəniyyəti artıq ölkəmizdə də formalaşmağa başlayıb. Təcili yardım maşınında əyləşib ona yol verən sürücüləri lentə alan tibb işçisi videonu sosial şəbəkədə yayıb.

Avtosfer.az bildirir ki, bu video böyük qürur hissi versə də əslində bu, hər sürücünün etməsi lazım olan bir işdir. Maraqlısı budur ki, xəbərdaredici işiğını və səs siqnalını yandıran polis maşınına yol verən bəzi sürücülər sanki təcili yardımın səsini eşitməzdən gəlir. Düzdür, bəzən təcili yardımı idarə edənlər tələsməsələr də yolu açmaq üçün işığını və siqnalını açıq qoyaraq yolu tez bitirməyə çalışır. Elə bu da sürücülərdə "yalançı çoban" təəssuratı yaradır. Amma nə olursa olsun xəstə aparmasa belə hər an bu təcili yardım maşınlarına ehtiyac duyula bilər. Ona görə onlara yol vermək lazımdır. Hər kəsin bir gün ona işi düşə bilər. 

Aysel