"Təcili yardımın arxasınca gedirəm" deyən sürücünün yalanı üzə çıxdı - VİDEO

Bakıda sürücünün etdiyi hərəkət anbaan avtomobildəki kameraya düşüb. Avtosfer.az xəbər verir ki, hadisə iyunun 4-də, Rövşən Cəfərov küçəsində qeydə alınıb. Belə ki, arxadan gələn təcili tibbi yardım maşınına yol vermək üçün görüntünü qeydə alan avtomobilin sürücüsü sağa doğru manevr edib. Lakin öz zolağına qayıtmaq istəyəndə, 77-QJ-763 dövlət nömrə nişanlı “Toyota” markalı avtomobilin sürücüsü onu sıxışdıraraq yol verməyib.

Buna etiraz edən sürücü irad bildirərkən, qarşı tərəf “təcili yardımın arxasınca gedirəm” deyə cavab verib. Bu sözlərdən belə başa düşülüb ki, həmin sürücünün təcili yardım maşınında xəstəsi var. Buna görə də sürücü mübahisə etmədən ona yol verib. Lakin daha sonra, Moskva prospektində təcili yardım avtomobili istiqamətini dəyişəndə, “Toyota” sürücüsü Bakı-Sumqayıt yoluna doğru hərəkətini davam etdirib. Hətta o, yüksək sürətlə sürüb ki, gözdən itsin. Bununla da onun “təcili yardımın arxasınca gedirəm” bəhanəsinin yalan olduğu üzə çıxıb.

Fərid