Təkəri yerindən çıxan maşın nasaz olduğu üçün sürücü cərimələndi - VİDEO

Baş Dövlət Yol Polisi İdarəsinin inspektoru, polis baş leytenantı Toğrul Nəsirlinin Avtosfer.az-a açıqlamasına görə, 10-NA-061 qeydiyyat nişanlı "Tofaş" markalı avtomobildə olan nasazlığa görə sürücü barəsində qanunamüvafiq qaydada tədbir görülüb. Belə ki, sürücü nasaz nəqliyyat vasitəsilə yola çıxaraq həm öz həyatını, həm də digər yol hərəkəti iştirakçılarının həyatını təhlükə altında qoyduğu üçün İnzibati Xətalar Məcəlləsinin 342.5-ci maddəsi ilə məsuliyyətə cəlb olunub.

Xatırladaq ki, Bakı-Şamaxı yolunda qeydə alınmış görüntü sosial şəbəkədə yayılıb. Avtosfer.az xəbər verir ki, 10-NA-061 qeydiyyat nişanlı “Tofaş” markalı avtomobilin arxa təkərlərindən biri körpü hissəsindən ayrılaraq kənara tərəf çıxıb. Sürücü ötürmələr qutusundan ustalıqla istifadə edərək avtomobili dayandırmağa nail olub.

Təbriz