Tıxaca səbri çatmayıb nişanlanma xəttinin tələbini pozan sürücü - 77-RN-555 - VİDEO

Bakının Nəsimi rayonu Mərdanov qardaşları küçəsində qayda pozan sürücü görüntülənib. Avtosfer.az-ın məlumatına görə, hadisə oktyabrın 8-də saat 12:48 radələrində qeydə alınıb. Hərəkətdə olan 77-RN-555 dövlət nömrə nişanlı “Mercedes” markalı avtomobilin sürücüsü nişanlanma xəttinin tələbini pozub. Belə ki, o, yalnız sağa hərəkətə icazə verilən zolaqda düzünə gedib. Yolayrıcına daxil olan sürücü yenidən səhv zolaqda hərəkətinə davam edib.

Qeyd edək ki, sözügedən küçədə baş verən qayda pozuntusuyla bağlı saytımızda bir neçə gün əvvəl xəbər dərc olunmuşdu. Belə ki, izləyici göndərdiyi videomaterialda yolun sağ və sol tərəfinin mütəmadi olaraq sürücülər tərəfindən zəbt olunduğu bildirmişdi. Nəticədə düzünə hərəkət edən nəqliyyat vasitələri bir zolaqla getməli olduqları üçün süni tıxac yaranır. Sıxlığa səbri çatmayanlar isə görüntüdəki sürücü kimi, yanlış zolaqla hərəkət edərək qayda pozurlar.

Nərmin