Tıxacda avtobus zolağına daxil olan sürücü: “Vaxtımız puldan daha dəyərlidir” - VİDEO

Məlumdur ki, Bakının əksər küçələrində ictimai nəqliyyat vasitələrinin rahat hərəkəti üçün zolaqlar təşkil olunub. Lakin bu zolaqlar ara-sıra sürücülər tərəfindən zəbt olunur. Xüsusilə tıxac zamanı bu görüntünün şahidi ola bilərik.

Paytaxtın Nəsimi rayonu Rəşid Behbudov küçəsində qeyd etdiyimiz qaydanı pozan sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, hadisə sentyabrın 30-da günorta saatlarında qeydə alınıb. Belə ki, hərəkətdə olan 77-LQ-771 dövlət nömrə nişanlı “BMW” markalı avtomobilin sürücüsü sıxlıqda qalmamaq üçün avtobus zolağına keçid edib.

Qeyd edək ki, sürücülər sözügedən küçədə sıx şəkildə eyni qayda pozuntusu törədirlər.

Xatırladaq ki, bu xəta 2 bal və 100 manat cəriməylə nəticələnir.

Nərmin