Tıxacda dayanan qadın sürücü səkidə gəzən piyadaya görə cərimələndi - FOTO

Qadın sürücü piyadaya görə cərimələnib. Avtosfer.az xəbər verir ki, maraqlı hadisə Rusiyanın Vladivostok şəhərində baş verib.

Bayram günlərində güclü geomaqnit qasırğası gözlənilir?

Belə ki, martın 13-da Neftevetka küçəsində kamera tıxacda olan bir avtomobili və telefonla danışa-danışa yol kənarı ilə gedən piyadanı çəkib. Maraqlısı budur ki, kamera piyadaya görə avtomobil sahibinə cərimə göndərib.

Qadın sürücünün sözlərinə görə, cərimə bildirişi avtomatik gəlib, lakin əlavə olunmuş fotolarda cihazın avtomobildən kənarda olan bir şəxsi qeydə aldığı açıqca görünür.

Buna baxmayaraq, sistem həmin şəxsi nəqliyyat vasitəsinin sürücüsü olaraq tanıyıb. O, bildirib ki, artıq cəriməni ödəyib, lakin günahsızlığını sübut etmək və pulunu geri almaq üçün məhkəməyə müraciət edib.

Namiq Musayev