Tıxacda gözləməyə səbri çatmayan sürücü yol çiyninə çıxıb şütüdü - VİDEO

Bakıda qaydaları pozan sürücünün hərəkətləri avtomobildəki kameraya qeyd olunub. Avtosfer.az xəbər verir ki, hadisə martın 4-də, paytaxtın Binəqədi-Balaxanı yolunda qeydə alınıb. Belə ki, 99-PS-835 qeydiyyat nişanlı "Niva" markalı avtomobilin sürücüsü tıxac zamanı gözləməyə səbri çatmayıb qaydaları pozub. O, yol çiyninə çıxaraq avtomobilləri sağdan ötməyə başlayıb.

"Yol hərəkəti haqqında" qanuna görə, yol çiyninə çıxmaq qadağandır. Bu qayda pozuntusunu törədən sürücülər İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilərlər.

Fərid