Tıxacda qalmaq istəməyən sürücü digər insanlara sıxlıq yaradır - VİDEO

Bakıda sıxlıq zamanı hərəkəti bir az da gərginləşdirən sürücünün videosu kameraya qeyd olunub. Avtosfer.az xəbər verir ki, hadisə iyulun 2-də, paytaxtın dairəvi yolunda (Biləcəri enişində) baş verib. Belə ki, 77-BZ-714 qeydiyyat nişanlı "KIA" markalı avtomobilin sürücüsü Biləcəri istiqamətinə getməli olduğu halda zolaqlar üzrə düzgün yerləşməyib. O, sıxlıqda qalmamaq üçün sol zolaqla hərəkət edərək son anda sağa manevr edib. Bu zaman arxadan gələn sürücülərə maneə yaradıb.

Qeyd edək ki, sıxlıq zamanı əksər sürücülər bu cür etməklə qabağa düşmək istəyirlər. Lakin videogörüntüdən aydın şəkildə görünür ki, yoldakı tıxacın səbəbi məhz bu cür qabağa düşmək istəyən sürücülərin qaydaları pozmasıdır. Onlar öncədən sağ zolaqda yerləşsələr digər istiqamətə gedən sürücülərin yolunu kəsməzlər.

Könül