Tıxacda qalmaq istəməyən sürücü əks yola çıxıb maşınların üzərinə sürdü - VİDEO

Xırdalan şəhərində yol hərəkəti qaydasını pozan sürücü təhlükəli hərəkətlər edib. Avtosfer.az xəbər verir ki, iyunun 4-ü Xırdalan şəhəri Heydər Əliyev prospektində hərəkət edən 90-PZ-594 qeydiyyat nişanlı “CHANGAN” markalı avtomobilin sürücüsü yolda tıxaca düşməmək üçün qaydaları kobud şəkildə pozub. O, ayırıcı zolağın kəsiyindən əks istiqamətə keçərək qarşıdan gələn avtomobillərin üzərinə sürüb.

Qeyd edək ki, Xırdalan şəhərində bu cür hallarla tez-tez rastlaşmaq olur. Sürücülər polisin və kameranın olmadığı ərazilərdə qaydaları kobud şəkildə pozaraq həm öz həyatlarını, həm də digər hərəkət iştirakçılarının həyatını təhlükə altında qoyurlar.

Təbriz