Tıxacdan canını qurtarmaq istəyən sürücü qayda pozub kameraya düşdü - VİDEO

Xırdalan şəhərində qaydaları pozan sürücünün hərəkətləri avtomobildəki kameraya düşüb. Avtosfer.az xəbər verir ki, hadisə aprelin 14-də, Məmməd Əmin Rəsulzadə küçəsində qeydə alınıb.

Belə ki, 77-YH-162 qeydiyyat nişanlı "Chevrolet" markalı avtomobilin sürücüsü Bakı-Sumqayıt yoluna daxil olduqdan sonra yolun bağlı olduğunu görüb. Bu zaman o, geriyə hərəkət edərək digər istiqamətə getməyə qərar verib. Videodan da aydın şəkildə görünür ki, sürücü geriyə hərəkət etməklə həm piyada keçidinin üzərindən keçib, həm də yolayrıcına daxil olub. Qanunvericiliyə görə, piyada keçidlərinin üzərində və yolayrıclarında geriyə hərəkət etmək qadağandır.

Fərid