Törətdiyi qayda pozuntusunu “TikTok”da paylaşıb cəriməsini soruşdu - VİDEO

Sürücü törətdiyi qayda pozuntusunu videoya çəkərək “TikTok” sosial platformasında paylaşıb. 
Avtosfer.az-ın məlumatına görə, hadisə bir neçə gün əvvəl səhər saatlarında Xırdalan dairəsi yaxınlığında qeydə alınıb. Hərəkətdə olan 77-AL-595 dövlət nömrə
nişanlı “Chevrolet Cruze” markalı avtomobilin sürücüsü nişanlanma xəttinin tələbini pozub. Görüntüdən aydın olduğu kimi, o, təhlükəsizlik adacığının üzərinə çıxaraq sağa manevr edib. Bununla kifayətlənməyən sürücü qayda pozuntusuyla bağlı videonu sosial media hesabında paylaşaraq pis örnək olub. Belə ki, o, izləyicilərə “cəriməsi nə qədərdir?” - deyə, sual ünvanlayıb. 
Qeyd edək ki, sürücü sürət həddini aşmasıyla, sükan arxasında telefondan istifadə etməsiylə bağlı videoları da şəxsi hesabında paylaşıb. 
Xatırladaq ki, videodakı qayda pozuntusu İnzibati Xətalar Məcəlləsinin müvafiq maddəsinə əsasən 40 manat cəriməylə nəticələnir.

Nərmin