Toy karvanında “Niva” ilə “avtoş”luq edən sürücü - 20-CL-999 - VİDEO

Göygöl rayonu ərazisində yol hərəkəti qaydalarını kobud şəkildə pozan sürücünün görüntüsü sosial şəbəkədə paylaşılıb.
Avtosfer.az-ın məlumatına görə, 20-CL-999 dövlət nömrə nişanlı “Niva” markalı avtomobilin sürücüsü yolda avtoxuliqanlığı təbliğ edən hərəkətlər edib. Belə ki, toy karvanında “sağ-sol” “şou”su göstərən sürücü manevrlər edərək özüylə yanaşı avtomobildə olan sərnişini də təhlükəyə atıb. Eyni zamanda o, arxa dövlət nömrə nişanı olmadan avtomobili idarə edib.

Qeyd edək ki, sürücünün əvvəl inzibati məsuliyyətə cəlb olunması rəy bölməsində bildirilib. 

Xatırladaq ki, sürücünün törətdiyi qayda pozuntusu İnzibati Xətalar Məcəlləsinin müvafiq maddəsinə əsasən nizamlanır. 

Nərmin