Ürəyi istədiyi kimi manevr edən sürücüyə qadın görün necə reaksiya verdi - VİDEO

Paytaxtın Mir Cəlal küçəsində qayda pozaraq təhlükə yaradan sürücü görüntülənib.

Avtosfer.az-ın məlumatına görə, hadisə avqustun 11-də səhər saatlarında qeydə alınıb. Hərəkətdə olan 66-BM-995 dövlət nömrə nişanlı “Ford Transit” markalı avtomobilin sürücüsü geriyə dönən zaman qarşıdan gələn maşına əhəmiyyət verməyib. Bu vaxt o, görüntünü qeydə alan sürücüyə qəza şəraiti yaradıb. Ürəyi istəyən formada manevr edən sürücü bununla da kifayətlənməyib. Belə ki, o, park edilmiş maşına dəyməmək üçün qəfil sola manevr edib və qadın sürücünü sıxışdıraraq yenidən təhlükəyə səbəb olub.

Hadisədən sonra xanım sürücü qayda pozan sürücünün avtomobilinə yaxınlaşaraq ona iradını bildirib və yol hərəkəti qaydasını izah edib. Sürücü isə xanımla razılaşmayaraq törətdiyi xətaya haqq qazandırıb.

Nərmin