Uşağın həyatı risk altındadır, sürücünün isə vecinə deyil - VİDEO

Bakıda yol hərəkəti qaydasını pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə iyulun 19-da, paytaxtın Ziya Bünyadov prospektində qeydə alınıb. Belə ki, 99-SX-205 qeydiyyat nişanlı "KIA" markalı avtomobilin sürücüsü azyaşlı uşağı ön oturacaqda otuzduraraq nəzarətsiz şəkildə buraxıb. Qayda pozmağı azmış kimi, eyni zamanda azyaşlının həyatını risk altına atıb. Uşaq yan şüşədən qollaranı tam şəkildə bayıra çıxararaq əylənməyə başlayıb. Sürücü isə bütün bunlara göz yumaraq yoluna davam edib.

Qeyd edək ki, qanunvericiliyə görə, 12 yaşdan aşağı olan uşaqların xüsusi oturacaq olmadan avtomobilin önündə daşınması qadağandır. Bu cür məsuliyyətsiz addımlar azyaşlıların həyatına son qoya bilər. Hətta yüngül manevr və ya tormoz zamanı azyaşlı avtomobildən bayıra çıxaraq yerə çırpıla və digər avtomobillərin altında qalıb həyatını itirə bilərdi. Bu səbəbdən sürücülər diqqətli olmalı və uşaqlara xoş gələcək deyə bu cür hərəkətlərə yol verməməlidir.

Fərid