“Vasmoy”da 150 manatlıq qayda pozan sürücü son anda qəzadan yayındı - VİDEO

Paytaxtın “8-ci kilometr bazarı”nın yaxınlığında kobud qayda pozan sürücü görüntülənib.
Avtosfer.az-ın məlumatına görə, hadisə mayın 20-də səhər saatlarında qeydə alınıb. Belə ki, 77-HU-702 dövlət nömrə nişanlı “KIA Optima” markalı avtomobilin sürücüsü əks istiqamətli yolla hərəkət edib. Bu zaman o, qarşı tərəfdəki “KIA Sorento” markalı maşına təhlükə yaradıb. Qayda pozan sürücü anidən sağa manevr edərək baş verə biləcək qəzadan yayınıb. Lakin daha sonra o, yenidən əks yola çıxıb.
Qeyd edək ki, bu xəta, İnzibati Xətalar Məcəlləsinin 327.4-cü maddəsinə əsasən, 4 bal 150 manat cəriməylə nəticələnir.

Nərmin