Vəsiqəsiz sərxoş gənc maşınla qorxunc qəzalar törətdi - VİDEO

İdarə etdiyi avtomobillə restorana, saç salonuna və iki maşına zərər vuran sərxoş sürücü saxlanılıb.

Avtosfer.az xəbər verir ki, Türkiyənin Muğla şəhərində baş verən hadisənin görüntüləri təhlükəsizlik kameraları tərəfindən qeydə alınıb.

Belə ki, Bodrum rayonunda 23 yaşlı sürücü idarə etdiyi 34-BSH-566 dövlət nömrə nişanlı avtomobillə hərəkətdə olarkən nəqliyyat vasitəsini ilk öncə yol kənarındakı restoran və saç salonuna çırpıb. Hərəkətinə davam edən sürücü daha sonra işıq dirəyinə və iki avtomobilə də zərər vurub.

Zərərçəkmiş şəxslər xəbər verəndən sonra polis əməkdaşları 23 yaşlı sürücünü saxlayıblar.

Keçirilən yoxlama zamanı onun 2,96 promil sərxoş olduğu, sürücülük hüququnun olmadığı müəyyən edilib.

Sürücü polis tərəfindən polis şöbəsinə, avtomobil isə cərimə meydançasına aparılıb.

Sözügedən hadisənin videosunu təqdim edirik:

Namiq Musayev