Xətaidə sürücü bahalı maşınını şlaqbaumun önündə park edib getdi - VİDEO

Paytaxtda binanın qaraj çıxışının avtomobillər tərəfindən tutulması ilə bağlı növbəti narazılıq qeydə alınıb.

Avtosfer.az xəbər verir ki, Xətai rayonu Xocalı prospektində sürücülərdən biri yaşadığı binanın qarajından çıxmaq istəyərkən qarşısının park edilmiş nəqliyyat vasitələri tərəfindən kəsildiyini bildirib. Onun sözlərinə görə, bu səbəbdən 35 dəqiqədən çox qarajda gözləməli olub.

Sürücü qeyd edib ki, hadisəyə səbəb olan əsas avtomobillərdən biri “Range Rover” markalı, 10-YC-850 dövlət qeydiyyat nişanlı nəqliyyat vasitəsi olub. Qarajın önündə yaranan vəziyyətin səbəbi avtomobilin birbaşa qarajın çıxış hissəsinə park edilməsi olub. Üstəlik, ərazidə şlaqbaumun olmasına baxmayaraq, sürücü avtomobili məhz çıxışın qarşısında saxlayıb.

Sürücü vurğulayıb ki, bu cür halların tez-tez baş verməsi bina sakinlərinin gündəlik hərəkətinə ciddi maneə yaradır və xüsusilə təcili vəziyyətlərdə daha böyük problemlərə səbəb ola bilər.

Eltac Zülfüqaroğlu