Xırdalan şəhərində sürücülər üçün "ölüm sürprizi" - VİDEO
Qaydalar 6 Yanvar 2021 13:00 Oxunub 642
 Xırdalan şəhərində sürücülər üçün "ölüm sürprizi"  - VİDEO

Xırdalan şəhərində yaşayan bir neçə sürücü orada olan təhlükə ilə bağlı redaksiyamıza müraciət ünvanlayıb. Onlar bildirir ki: “Xırdalan şəhəri Heydər Əliyev prospektində asfalt örtüyü dəyişdirildikdən sonra hərəkət hissəsini ayırmaq üçün səki daşlarından ayırıcı zolaq yaratdılar. Əslində ayırıcı zolağı yaratmaqla əks istiqamətə çıxıb tıxac yaradan sürücülərin qarşısını aldılar. Lakin təhlükəsizlik normalarına əməl edilməyib. Günün qaranlıq saatında hərəkət edən zaman ayrıcı zolağın başlanğıc hissəsi görünmədiyi üçün dəfələrlə təhlükə ilə üzləşmişik. Xoşbəxtlikdən təhlükədən yayına bilmişik. Amma bu təhlükə aradan qaldırılmasa, bir gün kiminsə ölümü ilə nəticələnən yol nəqliyyat hadisəsi baş verəcək”.

 

Həmin prospektə baş çəkən əməkdaşımız həqiqətən də şahidi olub ki, ayırıcı zolağın başlanğıcında və ayırıcı zolağın digər kəsiklərində nə maneəni sağdan keçməni bildirən 4.2.1 nişanı, nə də ki, hər hansı bir işıq qaytarıcı elementi olan yol nişanlanması var. Əslində bu cür yerlərə maneəni sağdan keçmə nişanı ilə bərabər, 2.7 nişanlanması da (təhlükəli sahələrdə yol səthindən hündürə çıxan təhlükəsizlik adacıqlarını göstərir) çəkilməlidir.

 

Ümid edirik ki, aidiyyəti qurumlar adıçəkilən prospektdə qeyd etdiyimiz problemləri aradan qaldıraraq sürücülərin rahat və təhlükəsiz hərəkətini təmin edəcək.

 

Təbriz

ŞƏRH YAZ
Ad

E-mail

Şərh