Xırdalanda motosikletlə “şou” göstərən qadın sürücü – 99-A-721 - VİDEO

Abşeron rayonu, Xırdalan şəhərində qayda pozan motosiklet sürücüsünün videosu sosial şəbəkədə paylaşılıb.

Avtosfer.az-ın məlumatına görə, hadisə bir neçə gün əvvəl səhər saatlarında şəhərin Koroğlu küçəsində qeydə alınıb.

Kadrlardan göründüyü kimi, 99-A-721 dövlət nömrə nişanlı “Zontes” markalı motosikletin qadın sürücüsü əks istiqamətli hərəkət zolağına çıxaraq yoluna davam edib. Qarşıdan avtomobilin gəldiyini görən sürücü son anda manevr edərək yenidən öz hərəkət zolağına keçib və bir neçə dəfə təkrarlayıb.

Bundan əlavə, sürücünün hərəkət zamanı lüzumsuz manevrlər etdiyi də görüntülərdən aydın olur.

Qeyd edək ki, yolun əks istiqamətli hissəsində hərəkət etmək digər hərəkət iştirakçıları üçün ciddi təhlükə yaradır. Belə manevrlər yol-nəqliyyat hadisəsinə səbəb ola bilər.

Nərmin