Xırdalanda "ölümlə zarafat edən" marşrut sürücüsü - VİDEO

Xırdalan şəhərində təhlükəli anlar yaşadan avtobus sürücüsünün videosunu oxuculardan biri qeydə alaraq redaksiyamızın elektron ünvanına göndərib. Avtosfer.az xəbər verir ki, 596 saylı xətt üzrə fəaliyyət göstərən 90-LR-327 qeydiyyat nişanlı marşrut avtobusunun sürücüsü oktyabrın 6-da Heydər Əliyev prospekti ilə hərəkət edən zaman svetoforun qırmızı işığında dayanmayıb. Belə ki, o, Mehdi Hüseynzadə küçəs ilə hərəkət edən avtomobillərin qarşısına çıxaraq onlara təhlükəli anlar yaşadıb. Görüntünü qeydə alan sürücü dayanaraq qəzanın baş verməsinin qarşısını alıb.

Avtosfer.az-ın araşdırmasına görə həmin avtobusun mülki məsuliyyətinin icbari sığortası da yoxdur. Bu cür səhlənkarlıq və məsuliyyətsizlik edən sürücülər qəza anından sonra qarşı tərəfin avtomobilini düzəltdirməyə də imkanı olmur. Nəticədə zərəçəkmiş şəxs məhkəməyə şikayət etməmək üçün öz vəsaiti hesabına avtomobilini düzəltdirir.

Ümid edirik ki, Dövlət Yol Polisi İdarəsi və Dövlət Avtomobil Nəqliyyatı Xidməti həmin sürücü barəsində ciddi tədbir görəcək.

Fərid