Yağışlı havada əks yola çıxan sürücü qarşıdan gələn maşının üzərinə sürdü - VİDEO

Xırdalanda yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Qəşəm Aslanov küçəsində qeydə alınıb.

Belə ki, 77-PV-039 qeydiyyat nişanlı "Chevrolet" markalı avtomobilin sürücüsü bütöv xəttin tələbini pozaraq əks yolda ötmə əməliyyatı həyata keçirib. Bu zaman qarşıdan gələn "BMW" markalı avtomobilin üzərinə sürərək ona təhlükə yaradıb.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə oluna bilər.

Könül Rauf