Yağışlı havada “sağ-sol” edib “hoqqa” çıxaran sürücü - 77-RA-470 - VİDEO

Sumqayıt şəhərində yol hərəkəti qaydalarını kobud şəkildə pozan sürücü görüntüsü sosial şəbəkədə paylaşılıb.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Hərəkətdə olan 77-RA-470 dövlət nömrə nişanlı “Khazar” markalı avtomobilin sürücüsü yolda təhlükəli manevrlər edib. Belə ki, yağışlı havada dəfələrlə “sağ-sol” edən sürücü qarşı tərəfə keçib. Xoşbəxtlikdən bu zaman yaxınlıqda nəqliyyat vasitəsi olmayıb.

Xatırladaq ki, sürücünün törətdiyi bu xəta İnzibati Xətalar Məcəlləsinin müvafiq maddəsiylə nizamlana bilər.

Nərmin