Yanlış zolaqda dayanan taksi sürücüsü maşınların yolunu kəsdi - VİDEO

Paytaxtın Nizami rayonu, Qara Qarayev prospektində qayda pozan sürücü avtomobilin hərəkətinə əngəl törədib.

Avtosfer.az-ın məlumatına görə, hadisə martın 31-də saat 22:09 radələrində qeydə alınıb. Taksi fəaliyyətiylə məşğul olan 77-HF-713 dövlət nömrə nişanlı “Toyota Prius” markalı avtomobilin sürücüsü yol nişanlanma xəttinin tələbini pozub. Belə ki, o, sola hərəkətin təşkil olunduğu zolaqda dayanaraq arxadan gələn nəqliyyat vasitələrinə mane olub. Bu vaxt görüntünü qeydə alan sürücü maşının işığını yandırıb-söndürərək ona xəbərdarlıq edib. Bundan sonra “Prius” sürücüsü düzünə hərəkətə icazə verən zolağa keçid edib. 

Xatırladaq ki, sürücünün törətdiyi xəta İnzibati Xətalar Məcəlləsinin 327.1-ci maddəsiylə tənzimlənir. 

Nərmin