Yasamal sakinləri kampaniya keçirdi, icra hakimiyyəti müsbət cavab verdi – YENİ PARK SALINACAQ -FOTO

Gün ərzində istər qurumların məsuliyyətsizlikləri, sahibkarlar, istərsə də vətəndaşlar tərəfindən paytaxtın küçə və prospektlərində qaydaların kobud şəkildə pozulması ilə əlaqədar onlarla mənfi xəbər veririk. Bu dəfə isə aldığımız məlumatlar müsbət yöndədir.

Avtosfer.az xəbər verir ki, Bakının Yasamal rayonundakı geniş yaşıllıq ərazisində yenidənqurma işləri ilə bağlı qərar verilib

Belə ki, Kənar dairəvi ol yaxınlığında, Yasamal Yaşayış Kompleksinin arxasında yerləşən 5 hektarlıq ərazidə park salınır. 

2-3 il əvvəl Yasamal Yaşayış Kompleksinin sakinləri bu ərazinin meşə tipli parka çevrilməsi üçün kampaniyaya başlamış və aidiyyəti orqanlara müraciət göndərmişdilər.

İndiyədək əraziyə həm Yasamal, həm də Bakının başqa rayonlarından tikinti tullantıları daşınır və ərazi çirkləndirilirdi. Ağaclar da baxımsızlıqdan quruyurdu. Bakı Şəhər İcra Hakimiyyətinin məlumatına görə, 161 ədəd qurumuş və aşma təhlükəsi olan ağac ərazidən götürülüb və onların yerinə 300-ə yaxın yeni ağac əkiləcək.

Ərazi abadlaşdırılacaq və burada velosiped yolları, uşaq oyun meydançaları və s. quraşdırılaraq park halına salınacaq. Bir sözlə, sakinlərin arzusu reallaşacaq.

Səfər