Yasamalda əks yola çıxan sürücü avtomobillərə təhlükə yaratdı - VİDEO

Bakıda yol hərəkəti qaydalarını pozan sürücünün videosu sosial şəbəkədə yayılıb. Avtosfer.az xəbər verir ki, hadisə paytaxtın Nazim Hikmət küçəsində baş verib.

Belə ki, 10-OO-808 qeydiyyat nişanlı "Niva" markalı avtomobilin sürücüsü qoşa xəttin tələbini pozaraq əks yola çıxıb. O, həm qarşıdan gələn avtobusun, həm də görüntünü qeydə alan avtomobilin sürücüsünə təhlükəli anlar yaşadıb. Daha sonra isə sol zolaqdan sağa dönərək manevr qaydasını kobud şəkildə pozub.

"Yol hərəkəti haqqında" qanunda qeyd olunub ki, sağa, sola və ya geriyə dönməzdən əvvəl sürücü həmin istiqamətdə hərəkət hissəsində müvafiq kənar vəziyyət tutmalıdır. Eyni zamanda sağa dönən sürücü hərəkət hissəsinin mümkün qədər sağ kənarına yaxın hərəkət etməlidir.

Fərid