Yaşayış zonasında tozu-dumana qatan vəsiqəsiz sürücü - 99-UH-937 - VİDEO

Paytaxtın Sabunçu rayonunda yol hərəkəti qaydalarını pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 99-UH-937 dövlət nömrə nişanlı “VAZ-2107” markalı avtomobilin sürücüsü yaşayış yerində təhlükəli manevrlər edib. Kadrdan da göründüyü kimi, o, maşını dəfələrlə fırladaraq “şou” göstərib. Qeydə alınmış digər görüntüdə sürücü yenə də yaşayış zonasında “sağ-sol” edib və park edilmiş maşınlara qəza şəraiti yaradıb.

Qeyd edək ki, qayda pozan sürücü sürücülük vəsiqəsi olmadan idarə etdiyini bildirib. 

Nərmin