Yeddi zolaqlı yolu kəsib keçən “Galendewagen” qəza törətdi – ekspertdən ŞƏRH – REAL VİDEO

Bakıda kobud şəkildə qayda pozan sürücü müşahidə kameralarında görüntülənib. Avtosfer.az xəbər verir ki, qayda pozuntusunu əks etdirən video paytaxtın “Neftçilər” prospektində qeydə alınıb. 
Belə ki, təhlükəsizlik qaydalarına əməl etməyən “Mercedes Galendewagen” markalı avtomobilin sürücüsü 7 zolaqlı mərkəzi küçədə irəliləyərkən anidən ən sol zolaqdan sağa – Ağ şəhər bulvarı istiqamətinə dönərək təhlükəli manevr edib. Bu zaman arxadan gələn digər nəqliyyat vasitəsinin yoluna çıxaraq qəza törədib. 
Avtosfer.az məsələ ilə bağlı nəqliyyat üzrə ekspert, Elməddin Muradlının fikirlərini öyrənib. O bildirib ki, sürücülər manevr edən zaman dönmə siqnallarından istifadə etməli, təhlükəsizliyi təmin etməlidirlər. Ekspert həmçinin qəza siqnallarından doğru istifadə etməyən sürücülərə də müraciət edərək şərhinə əlavə edib: “Qəza şəraiti yaradan bəzi sürücülər dönmə siqnalını yandıraraq özlərini haqlı hesab edirlər, bu siqnalın hərəkətin digər iştirakçıları üçün xəbərdarlıq xarakterli olduğunu unudurlar.”
Şərh olunan videonun real görüntülərini təqdim edirik:

Qeyd: Bu video “Yol hərəkəti təhlükəsizliyi: hüquqi yardım və maarifləndirmə” layihəsi çərçivəsində hazırlanıb.

Nərminə Əli