Yol hərəkəti qaydalarının əlifbasını bilməyən sürücü - VİDEO

Bakıda manevr qaydasını pozan sürücü təhlükə yaradıb. Avtosfer.az xəbər verir ki, hadisə noyabrın 21-də, paytaxtın Bayıl qəsəbəsi, Qurban Abbasov küçəsində baş verib.

Belə ki, 99-XF-333 qeydiyyat nişanlı "BMW" markalı avtomobilin sürücüsü parklanma yerindən çıxan zaman arxadan gələn avtomobilə yol verməyib. Görüntünü qeydə alan sürücü qəzanın baş verəcəyini görən anda sürəti azaldaraq təhlükədən yan keçə bilib.

Qeyd edək ki, sürücülərin vəzifələri ilə bağlı müddəanın ilk cümlələrində manevrin necə və hansı formada yerinə yetirilməsi aydın şəkildə qeyd edilib. Lakin təəssüflə qeyd etmək istərdik ki, qanunun əlifbası sayılan manevr qaydalarına əksər sürücülər əməl etmirlər. Bu qaydaya dırnaqarası baxan sürücülər anlamalıdırlar ki, manevr qaydasının pozulmasına görə, dəfələrlə ölümlə və ağır xəsarətlə nəticələnən yol nəqliyyat hadisələri baş verib. Belə hadisələrin baş verməməsi üçün hər bir sürücü manevr qaydasına ciddi şəkildə əməl etməlidirlər.

Fərid