Yol nişanlarını tanımayan sürücü özünü biabır etdi: "Nişanlar səhv quraşdırılıb" - VİDEO

Tovuz rayonu ərazisində yol nişanlarından şikayətlənən sürücünün videosu sosial şəbəkədə yayılıb. Sürücü birtərəfli yolun sonunu bildirən nişanı göstərərək düzünə hərəkətin qadağan olunduğunu bildirib. Daha sonra qarşıdakı dairəvi hərəkət təşkil olunmuş yolayrıcından düzünə hərəkətin qayda pozuntusu olduğunu və bu səbəbdən nişanların düzgün quraşdırılmadığını bildirib. Sürücünün bu videosunu "32gun.az" səhifəsi "biabırçılıq" adı ilə paylaşaraq sürücüyə haqq qazandırıb.

Avtosfer.az xəbər verir ki, sürücünün qeyd etdiyi ilk nişan 5.5 birtərəfli hərəkəti bildirən, sonrakı nişan isə 5.6 birtərəfli yolun sonunu bildirən nişandır. Həmin nişan düzünə hərəkət etməyi qadağan etmir. Sadəcə bildirir ki, birtərəfli yol bitdi, ikitərəfli yol sahəsi başlayır. Yəni, nişanlar arasında heç bir ziddiyət yoxdur. Sadəcə sürücünün qanundan və yol nişanlarından heç bir anlayışı yoxdur. Bunu "biabırçılıq" adı ilə paylaşan səhifənin qərəzi isə göz qabağındadır.

Fərid