Yol polisindən qaçan motosiklet sürücüsü “Toyota”ya çırpılıb havaya uçdu - VİDEO

Polisdən qaçan motosikletçi ağır yol qəzasına düşüb. Avtosfer.az xəbər verir ki, hadisə Rusiyada baş verib. Məlumata görə, Saratov şəhərində ərazidə xidmət aparan polis əməkdaşları yeniyetmə motosiklet sürücüsünün sənədlərini yoxlamaq məqsədi ilə ona “Saxla” əmri veriblər. Lakin yeniyetmə saxlamaq əvəzinə qaza sıxaraq qaçmağa çalışıb. Bu zaman o, yol kəsişməsində yol verməli olduğu hissədə “Toyota” markalı avtomobillə toqquşub. Zərbənin təsirindən motosiklet sürücüsü sərnişini ilə birgə havaya qalxaraq asfalta çırpılıblar. Qəza nəticəsində motosikletli və onun 16 yaşlı sərnişini ağır xəsarətlərlə xəstəxanaya yerləşdiriliblər.

Namiq Musayev