Yol polisinə rüşvət təklif edən avtobloger Əhməd həbs edildi – QƏRAR - VİDEO

Yol polisi əməkdaşına rüşvət təklif edən “Venqalbi” ləqəbli avtobloger Əhməd Əliasxabov 3 il müddətinə azadlıqdan məhrum edilib.

Avtosfer.az bu barədə Rusiyanın Moskva prokurorluğuna istinadən xəbər verir.

Müəyyən edilib ki, 2025-ci ilin fevralın 26-da Kutuzovski prospektində DYP əməkdaşı Əliasxabovun idarə etdiyi avtomobili saxlayıb. Sürücülük vəsiqəsi olmadan avtomobil idarə etdiyinə görə cərimədən yayınmaq istəyən bloger polis əməkdaşına 2200 manat pul təklif edib. O, pulu sürücü oturacağı ilə xidməti maşının qoltuqaltısının arasına qoyub. Polis rüşvətdən imtina edib.

Əliasxabova qarşı rüşvət verməyə cəhd maddəsi ilə cinayət işi açılıb. Bloger günahını etiraf edib.

Məhkəmənin qərarı ilə o, 3 il müddətinə ümumi rejimli həbsxanada cəza çəkəcək. O, həmçinin 21300 manat cərimə olunub.

Namiq Musayev