Yol polisinin gözü qarşısında "protiv" gedən sürücü cərimələndi - 4 bal 100 manat - VİDEO

Bakıda əks yola çıxıb qaydaları kobud şəkildə pozan sürücü cərimələnib. Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. Belə ki, oktyabrın 25-də, paytaxtın Niyazi küçəsində 99-SS-066 qeydiyyat nişanlı, “Hyundai Sonata” markalı avtomobilin sürücüsü yol polisi əməkdaşının gözü qarşısında qoşa xəttin tələbini pozaraq Azneft dairəsi istiqamətində axına qarşı hərəkət etməsi görüntüsü dərhal araşdırılıb. Avtomobili idarə edən Nəcəfov Xanlar Rasim oğlu İnzibati Xətalar Məcəlləsinin 327.4-cü maddəsi ilə 4 bal 100 manat məbləğində cərimələnib.

Nərminə Əli