Yolayrıcına necə gəldi girən sürücü az qala motosikletlə toqquşacaqdı - VİDEO

Paytaxtın Şövkət Məmmədova küçəsində qayda pozan sürücü kameraya düşüb.

Avtosfer.az-ın məlumatına görə, hadisə noyabrın 18-də saat 14:55 radələrində qeydə alınıb. Kadrlardan aydın görünür ki, 99-MK-716 dövlət nömrə nişanlı “KIA” markalı avtomobilin sürücüsü yolayrıcında “Yol ver” nişanının tələbinə əməl etməyib. O, soldan gələn motosikletə əhəmiyyət vermədən yolayrıcına daxil olub və bu zaman moto sürücüyə real qəza şəraiti yaradıb.
Təhlükə ilə üzləşən motosikletçi siqnal verərək onu xəbərdar edib və baş verəcək qəzanın qarşısını alıb.

Qeyd edək ki, qanunvericiliyə görə, “Yol ver” nişanı quraşdırılan yolda sürücü hərəkəti yavaşlatmalı, zərurət yaranarsa tam dayanmalı və üstünlüyü digər nəqliyyat vasitələrinə verməlidir. Bu qaydanın pozulması inzibati xəta hesab olunur və sürücü barəsində qanunvericiliyə uyğun tədbir görülə bilər.

Nərmin