Yolayrıcında dayanan sürücü hərəkətə mane oldu - VİDEO

Xırdalan şəhərində yol hərəkəti qaydasını pozan sürücü hərəkətə mane olub. Avtosfer.az xəbər verir ki, hadisə "Kristal Abşeron 1" yaşayış kompleksinin həyətində qeydə alınıb. Belə ki, 99-UK-049 qeydiyyat nişanlı "KIA" markalı avtomobilin sürücüsü yolayrıcında dayanaraq gediş-gəlişə mane olub. Yolda hərəkətin məhdudlaşdığını görən sürücü məcbur olaraq dayandığı yerdən uzaqlaşıb.

Qeyd edək ki, yolayrıcında və kəsişmə yerinə 5 metrdən az məsafədə dayanmağa görə, İnzibati Xətalar Məcəlləsinin 346.5-ci maddəsilə 2 bal 40 manat məbləğində cərimə nəzərdə tutulub.

Fərid