Yolayrıcında maşını saxlayıb yatmağa getdi - VİDEO

Paytaxtın Aşıq Molla Cümə küçəsində qaydaları pozan sürücü görüntülənib. Avtosfer.az xəbər verir ki, hadisə fevralın 21-də axşam saatlarında qeydə alınıb.

Belə ki, 90-UP-439 qeydiyyat nişanlı, “Hyundai” markalı avtomobilin sürücüsü ərazidə parkinq olmasına baxmayaraq maşını yolayrıcında saxlayıb. Bu isə təhlükəli vəziyyət yaradır. Çünki sağa dönən sürücü qaranlıq vaxtda onu görməyə və qəza baş verə bilər.

Qeyd edək ki, qanunvericiliyə görə sürücülər yolayrıcından ən azı 5 metr məsafədə avtomobili saxlamalıdır. Görüntülərdə bunun üçün təhlükəsizlik xətlərinin çəkildiyi də əks olunub.

İnzibati Xətalar Məcəlləsinin 346.1 maddəsinə əsasən sürücü dayanma-durma qaydalarını pozduğuna görə cərimə olunmalıdır.

Məhəbbət Tərlanoğlu