Yolayrıcında qalan xanım sürücü avtomobillərin yolunu kəsdi - VİDEO

Bakıda xanım sürücünün qayda pozuntusu digər istiqamətdən gələn avtomobillərin hərəkətinə mane olub. Avtosfer.az xəbər verir ki, hadisə fevralın 17-də, paytaxtın Hüseyn Cavid prospektilə Əbdürrəhim bəy Haqverdiyev küçəsinin kəsişməsində qeydə alınıb.

Belə ki, 99-ZS-661 qeydiyyat nişanlı "BMW" markalı avtomobilin sürücüsü yolayrıcında tıxacın olduğunu görsə də, kəsişmə yerinə daxil olub. Hərəkətsiz qaldığı üçün digər istiqamətə yaşıl işıq yanan zaman onların qarşısını kəsib. Nəticədə sürücülər hərəkətlərini davam etməkdə çətinlik çəkiblər.

"Yol hərəkəti haqqında" qanunun 75-ci maddəsində qeyd olunub ki, əgər yolayrıcında, o cümlədən yolun hərəkət hissələrinin kəsişmə yerində, yaxud yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən nəqliyyat vasitələrinin hərəkəti üçün maneə yaradacaqsa, sürücünün belə yolayrıcına daxil olması qadağandır.

Fərid