Yolayrıcını zəbt edib maşınların hərəkətinə əngəl törədən sürücülər - 77-YX-421 və 90-XE-127 - VİDEO

Paytaxtın Yasamal rayonu, Nazim Hikmət küçəsində dayanma-durma qaydalarını pozan sürücülər görüntülənib.

Xoşagəlməz halla bağlı izləyicilərdən biri Avtosfer.az-ın “Whatsapp” ünvanına videomaterial göndərib. Belə ki, 77-YX-421 dövlət nömrə nişanlı “Chevrolet Cobalt” markalı və 90-XE-127 dövlət nömrə nişanlı “Azsamand” markalı avtomobillərin sürücüləri nəqliyyat vasitələrini yolayrıcında park ediblər. Şikayətçinin sözlərinə görə, hətta “Chevrolet”in sürücüsü sükan arxasında olub. Nəticədə onlar digər sürücülərin hərəkətinə əngəl törədiblər. 

Qeyd edək ki, qanunvericiliyə görə, sürücülər avtomobili yolayrıcılarından yalnız 5 metr kənarda saxlaya bilərlər. Əks halda bu, qayda pozuntusu hesab olunur. 

Nərmin