Yolda belə dönən sürücülərin nəzərinə: Buna görə cərimə yazılır - VİDEO

Əksər sürücülər manevr qaydalarını düzgün yerinə yetirmirlər. Avtosfer.az xəbər verir ki, belə sürücülərdən biri kameraya düşüb. Qeyd edək ki, hadisə noyabrın 20-də, paytaxtın Abdulla Şaiq küçəsində baş verib.

Belə ki, 99-EL-875 qeydiyyat nişanlı "Mercedes" markalı avtomobilin sürücüsü sağa dönən zaman manevr qaydasını pozub. Qanunvericilikdə qeyd olunub ki, sürücü sağa və ya sola dönməzdən əvvəl kənar vəziyyət tutmalıdır. Bu o deməkdir ki, videogörüntüdəki sürücü sağa dönən zaman ən sağ zolaqda yerləşməli idi. Lakin aydın şəkildə görünürü ki, o, ikinci zolaqda tormozlama edərək həmin zolaqdan sağa dönüb. Bu zaman arxadan gələn sürücünün də hərəkətinə mane olub.

Bu qayda pozuntusuna görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulub.

Könül Rauf