Yolda belə etməyin! - Bu sizin sonuncu hərəkətiniz ola bilər - VİDEO

Bakıda yolu keçən qadının təhlükə saçan hərəkətləri kameraya düşüb. Avtosfer.az xəbər verir ki, hadisə paytaxtın Bayıl qəsəbəsi Əhəd Yaqubov küçəsində baş verib.

Belə ki, yolu keçən yaşlı qadın sağa baxmadan hərəkətə başlayıb. Bu zaman görüntünü qeydə alan sürücünün qarşısına çıxaraq həm ona, həm də özünə təhlükə yaradıb.

Baş verən piyada vurma hallarının səbəblərindən biri təqdim etdiyimiz videgörüntüdə əks olunub. Ölümlə nəticələnən qəzaların əksəriyyətində piyadaların səhlənkarlığı olur. Yol hərəkətinin ən müdafiəsiz iştirakçısı sayılan piyadalara  tövsiyə edirik ki, yolu keçən zaman, ələlxüsus da keçid olmayan ərazilərdə daha diqqətli olsunlar. Əmin olmadıqları halda yolu keçməyə tələsməsinlər. Əks halda bu, onların sonuncu hərəkəti ola bilər.

Fərid