Yolda xəbərdarlıq nişanının olmaması sürücünü ölümlə üz-üzə qoydu - VİDEO

Günün qaranlıq saatında təhlükə ilə üzləşən sürücü qeydə aldığı videonu sosial şəbəkədə paylaşıb. Avtosfer.az xəbər verir ki, hadisə Qusar rayonu ərazisində baş verib. Belə ki, süni işıqlandırma olmayan yolda hərəkət edən sürücü sərt döngəni görmədiyi üçün idarəetməni itirib. Peşəkarlıq göstərən sürücü hadisədən qəzasız yayına bilib. Xoşbəxtlikdən həmin zaman qarşı tərəfdən avtomobil gəlməyib. Əks halda qəza qaçılmaz olacaqdı.

Bütün bunların baş verməsinə səbəb yolda sərt döngəni bildirən xəbərdarlıq nişanının olmamasıdır.

Qanunvericiliyə görə, xəbərdarlıq nişanları yaşayış məntəqələrindən kənarda, təhlükəli sahələrin başlanğıcından 150—300 metr, yaşayış məntəqələrində isə 50—100 metr aralıda quraşdırılmalıdır.

Könül Rauf